1-May-2023 -
By. news desk
കൊച്ചി: മെയ് 02 മുതല്‍ 08 വരെ ഷെഡ്യൂള്‍ ചെയ്തിരിക്കുന്ന ആസിയാന്‍ ഇന്ത്യ മാരിടൈം എക്‌സര്‍സൈസില്‍ പങ്കെടുക്കാന്‍ നാവിക സേനയുടെ ഈസ്‌റ്റേണ്‍ ഫ് ളീറ്റ് കമാന്‍ഡിംഗ് ഫ് ളാഗ് ഓഫീസര്‍ റിയര്‍ അഡ്മിറല്‍ ഗുര്‍ചരണ്‍ സിങ്ങിന്റെ നേതൃത്വത്തില്‍ ഇന്ത്യന്‍ നാവിക സേനയുടെ യുദ്ധകപ്പലുകളായ സത്പുരയും ഡല്‍ഹിയും സിംഗപ്പൂരിലെത്തി.
അഭ്യാസത്തിന്റെ ഹാര്‍ബര്‍ ഘട്ടം ഇന്നു മുതല്‍ നാലു വരെ ചാംഗി നേവല്‍ ബേസിലും കടല്‍ ഘട്ടം മെയ് 07 മുതല്‍ 08 വരെ ദക്ഷിണ ചൈനാ കടലിലും നടക്കും. ഇന്ത്യന്‍ നാവികസേനയ്ക്കും ആസിയാന്‍ നാവികസേനയ്ക്കും ഒരുമിച്ച് പ്രവര്‍ത്തിക്കാനും സമുദ്രമേഖലയില്‍ തടസ്സമില്ലാത്ത പ്രവര്‍ത്തനങ്ങള്‍ നടത്താനുമുള്ള അവസരം ആസിയാന്‍ ഇന്ത്യ മാരിടൈം എക്‌സര്‍സൈസ് നല്‍കും.
